Valestrand kyrkje ligg vakkert til nær Valevåg og vart bygd i 1873. Kyrkja er ei tradisjonell langkyrkje i tre med ei varm og høgtideleg ramme rundt kyrkjelege handlingar og samlingar. Kyrkja står i eit område med lange kyrkjelege røter, heilt tilbake til mellomalderen.

Valestrand Kulturkyrkje har som føremål å gje folk gode kulturopplevingar i kyrkja sin regi.

Kulturkyrkja skal utvikla eit godt program innan kunst og kultur. Kulturkyrkja ønskjer å leggja vekt på kvalitet der både tradisjon og nytenkning ligg til grunn for programvalet. Det er ønskeleg å dra alle generasjonar med i arbeidet. Det skal vera eit nært samarbeid med Fartein Valen-arbeidet.